SALOME Goosen, ’n be-kende en beminde inwoner van Cradock, het op 10 Julie – kort voor haar 68ste verjaardag – gesterf.
Sy en haar man Ignis woon sedert 1994 in Cradock. Sy was voorheen ’n tikster by die department van landbou en was later jare die persoonlike sekretaresse van die Cradock-distrik se polisie-bevelvoerder.
Nadat sy met pensioen uit die staatsdiens getree het, het sy haar eie blommewinkel, The Little Flower Shop, oopgemaak. Sy het dié winkel in oorgawe bedryf tot enkele weke voor haar dood.
Sy was ook ’n bekende Annique-velsorgkonsultant.
Salome is in 2016 met bors-kanker gediagnoseer. Sy het chemoterapie ontvang tot en met haar afsterwe.
Alhoewel sy swaar gekry het, het sy nooit gekla nie, maar altyd gesê “dit gaan goed dankie”.
Sy en Ignis was in Junie vanjaar 48 jaar getroud.
Salome laat ’n dogter, Yolandé Marais en twee seuns, Johan en Iggie, agter.
Haar roudiens was Saterdag, 13 Julie vanuit Cradock Oos gelei deur ’n jarelange huisvriend, ds. Sas Swart.
