‘n Nuwe poësiebundel word eersdaags bekendgestel en dié werk skets die volle spektrum van die lewe.

Desondanks en Nietemin deur Patricia Witz is ‘n pragtige en ryk geskakeerde bundel wat die vele aspekte van mens wees hanteer. Hierdie bundel is duidelik nie net poësie nie; dit is ‘n lewende geskiedenis en stem vir diegene wat stemloos gemaak is in die donker 1970’s.

Dit werp ‘n dapper, historiese en rou blik op identiteit en gendertransformasies, asook die sielkundige uitdagings in die lewe van “susters” in die stormagtige 1970’s, tot diep Veldpsalms oor die Karoo.

Dit weef die realiteit van natuurbewaring in die jare tagtig – soos die huil van die bedreigde rivieroewerhaas op Letjiesbos – saam met die uitbundige vreugde van die veld wat herlewe ná die goeie reën. Die bundel probeer die deurleefde universele stem vasvang.

Sluit aan by Witz op Maandag 21 September om 14:00 by Paul Sauerstraat 9, Rozendal Stellenbosch vir die bekendstelling van haar bundel.

Belangstellendes kan RSVP by Petrusa Oosthuizen deur 082 320 1983 te skakel. Bundels sal teen R120 elk by die bekendstelling beskikbaar wees.