Die potte het behoorlik geprut toe lede van die Stellenbosch-polisie en verteenwoordigers van ABC Security verlede Vrydag (27 September) hul kookvernuf tydens ’n potjiekoskompetisie ten toon gestel het.
Die span van die Stellenbosch-polisie het ’n Springbok-rugbytema uitgebeeld. Dié verteenwoordigers het met trots hul groen-en-goud truie vir die geleentheid gedra. Foto: Tasmin Cupido
Cheswill Groenewald, Stephen Nelson, Lee Meyer en Wiehann Beck was van die ABC Security-verteenwoordigers wat die potjiekoskompetisie bygewoon het. Foto: Tasmin Cupido
Die Springbok-ondersteuner sers. Allister Marajh en die All Blacks-ondersteuner kapt. Natalie Martin, woordvoerder van die Stellenbosch-polisie, het hul polisie-uniforms vir truie van hul gunsteling internasionale rugbyspanne verruil. Foto: Tasmin Cupido
Kapt. Wilna Barnard, kapt. Herlien van Zyl en lt. kol. René Matthee het agteroor gesit en gesels terwyl die potte aan die prut was. Foto: Barend J Williams
Erica Abrahams, Helen Martin, Frikkie Breda, John Bailey, Marilyn Adonis en Shereen Jones het gesellig verkeer. Foto: Barend J Williams
Andile Jones, Reatile Modise, Siyakholwa Jack, Someleze Qwaka en Samuel Dida het die om die vuur gestaan en gesels. Foto: Barend J Williams
