SK Walmers het Saterdag (19 Julie) sy stempel in ‘n eensydige Superliga A-rugbywedstryd teen St. George’s op Gustrouw afgedruk danksy ‘n eenrigting-sege van 5-66.
Die besoekers het van die eerste afskop af beheer geneem en die tuisspan met spoed, akkuraatheid en fisieke spel op die agtervoet gedwing.
Hoewel die Lulu Boys oomblikke van belofte getoon en kortliks gedreig het om terug te veg, was dit tevergeefs teen SK Walmers se doeltreffende aanval en rotsvaste verdediging. Die enigste drie van die Lulu’s was ‘n klein troos in ‘n wedstryd wat grotendeels deur die Kaapse span oorheers is.
Die afrigtingspan van St. George’s sal hoop om op die positiewe oomblikke voort te bou ter voorbereiding vir hul volgende wedstryd, aangesien hulle onder aan die punteleer lรช, relegasie in die gesig staar en tot dusver al 11 wedstryde verloor het.
In die ander Superliga A-wedstryd, in ‘n uiters gelykop betwiste wedstryd op Bergzicht in Stellenbosch, het Van der Stel-Evergreens teen Helderberg gespeel en 20-19 gewen.
Berge se kaptein en skrumskakel, Michael Visser, het in die vyfde minuut deur die verdediging gesny en die openingsdrie gedruk, wat hy self verdoel het (0-7). In die 10de minuut het VDE gelykop getrek met ‘n Ryan Muller-drie, verdoel deur Kyle Alexander (7-7).
In die 17de minuut het Berge die voortou herwin deur ‘n sterk stormloop van sy agtsteman, Dian Koen, wat sy heelagter, Jayden Daniels, gevoer het. Daniels het in die hoek oorgeduik (7-12). In die 39ste minuut het die voormalige Berge-ster Stewart Jacobs in die teenoorgestelde hoek gedruk om sake gelykop te maak (12-12) voor halftyd.
In die 67ste minuut โ nรก uiters verdedi-
gende spel deur albei spanne โ het VDE se linkervleuel, Matthew Alexander, hul derde drie gedruk (17-12). Amper onmiddellik daarna het Berge met ‘n puik drie deur Koen geantwoord, verdoel deur Visser (17-19).
Ongelukkig vir Berge het VDE in die laaste minute van die wedstryd met ‘n strafdoel geslaag om die oorwinning te beklink om die eindtelling 20-19 te maak.
๏ฎAnder uitslae:
SLB: Hands & Heart 30-38 Macassar
SLC: All Saints 53-30 Pniรซl Villagers, Atlantis 49-22 Strand
Promosieliga: Raithby Universals 43-24 Fisantekraal, Watsonia 29-24 Sir Lowrians
๏ฎWedstryde vir Saterdag 26 Julie:
SLA: Helderberg t. Brackenfell (Charles Morkel), St. George’s t. UWK (Gustrouw).
SLB: Macassar t. KSUT (Riverside Park).
SLC: Strand United t. Langa (Abattoir)Promosieliga: Morning Star t. Raithby Universals (weg), Blue Stars United t. Sir Lowrians (Klapmuts).
You must be logged in to post a comment.