Lede van die Somerset-Wes-tak van die Vroue-Landbouvereniging het op Boomplantdag (Dinsdag 1 September) ‘n besoek aan die Helderberg-hospies gebring om ‘n pragtige wildeolyfboom in die organisasie se Garden of Remembrance te plant.
Die geleentheid is saam met die hospies se vrywilligers gevier, wat elke Dinsdag die tuine versorg. Die tak vergader elke derde Woensdag van die maand, waartydens lede nuwe vaardighede aanleer, aktief by verskeie gemeenskapsprojekte betrokke raak en interessante gassprekers by hul vergaderings verwelkom.
Kontak gerus die voorsitter, Annie Potgieter, by 082 574 3161 vir nog inligting, of Cheryl Rundle by 021 852 4608 of donate@helderberghospice.org.za om meer uit te vind oor die Helderberg-hospies se Garden of Remembrance.
