Macassar aangebied. Die fondse wat ingesamel is, word volgens die direkteur Davinia Ruiters (foto) vir die rehabilitasie van mense in Macassar benut. Sowat R10 000 is ingesamel en sal die koste van rehabilitasie vir een inwoner by die Touch One Soul-rehabilitasiestigting dek. Devi’s Projects fokus op etlike aspekte van dwelmverslawing, waaronder bewusmaking in die gemeenskap, berading voor rehabilitasie, nasorg vir mense tydens die herstelproses en bystand aan gesinne en families wat deur dwelmverslawing geraak word. Die geleentheid was volgens Ruiters net tot ‘n mate suksesvol, aangesien die geld wat ingesamel is net een individu sal kan bystaan om die nodige rehabilitasie en hulp te ontvang. Ruiters hoop egter dat die geleentheid gemeenskapslede sal inspireer om diegene wat na ‘n dwelmvrye lewe op soek is, by te staan en op verskeie maniere te skenk. Kontak Ruiters by 076 972 0112 vir nog inligting oor hoe jy tot die projek kan bydra, indien jy betrokke wil raak, of as jy nog inligting oor Devi’s Projects wil hê.
You must be logged in to post a comment.