Uitsonderlike vroue in Strand is Donderdag 10 September by ‘n spesiale Value Women More-geleentheid gevier.

Die viering, by die Beverly Hills Life Change Centre, is deur die Helderbergtak van Oasis – Reach for your Dreams, aangebied om vroue vir hul bydraes tot die gemeenskap te vereer. Die gaste is met ‘n heerlike middagete en geskenkpakkies bederf.

‘n Verdere verrassing was pakkies koekies van Nosh4Josh, wat deur Sandy Pekeur-Sandy aangebied is. Die koekies word met liefde deur neurodivergente mense gemaak.

Die Stad Kaapstad het die subraad 8-lid Gertruida Hendricks en pastoor Melony Oliphant met bosse blomme vereer.