Die Strand-polisie ondersoek ‘n klagte van aanranding met die doel om ernstig te beseer nadat ‘n jong man van Strand in Petunialaan deur vermeende bende-lede aangeval is. Luidens polisieverslae is die 23-jarige Deigo Gordon Sondag 9 Maart in die voorval geteiken.
Gordon beweer sy niggie het hom omstreeks 19:00 wakkergemaak en gewaarsku dat ‘n bendegroep met vuurwapens in Arendweg, Broadlandspark, afbeweeg.
Gordon het opgestaan en, ten spyte van sy niggie se pogings om hom te keer, uitgestap. Toe hy buite kom, was die groep reeds in Arendweg. Hy het weggehardloop terwyl hy die klikgeluide van vuurwapens agter hom gehoor het.
Die bendelede het Gordon glo in Petunialaan vasgekeer nadat hy geval het. Hy beweer hy is deur een van die verdagtes met ‘n vuurwapen teen die kop geslaan en “deur ‘n ouma” met ‘n okapi-mes gesteek. Omstanders het na bewering by die bende gepleit dat hulle Gordon nie moet doodmaak nie.
Die polisie doen ‘n beroep op die gemeenskap vir inligting wat kan help om drie verdagtes, wat steeds soek is, vas te trek. Enigiemand met leidrade kan die polisie by 082 850 9628 bel.
Niklaas Thysen, die voorsitter van die Strand-gemeenskapspolisiëringsforum (GPF), het hom op Facebook teen die misdaad uitgespreek: “Ons veroordeel die roekelose gedrag van hierdie jong bendelede sowel as die onversetlike vergelding van ‘n volwasse vrou wat na bewering ‘n jeugdige gesteek het.”
Thysen beweer dat ‘n gewelddadige bende-uitbarsting tydens ‘n kerkdiens in Storkstraat op Maandag 10 Maart verband hou met Gordon se aanranding. DistrikPos & Helderberg Gazette het die polisie genader vir bevestiging, maar AO Nico Beukes, ‘n woordvoerder van die Strand-polisie, het verklaar dat geen bendegeweld op daardie Maandag aangeDie Strand-polisie ondersoek ‘n klagte van aanranding met die doel om ernstig te beseer nadat ‘n jong man van Strand in Petunialaan deur vermeende bende-lede aangeval is. Luidens polisieverslae is die 23-jarige Deigo Gordon Sondag 9 Maart in die voorval geteiken.
Gordon beweer sy niggie het hom omstreeks 19:00 wakkergemaak en gewaarsku dat ‘n bendegroep met vuurwapens in Arendweg, Broadlandspark, afbeweeg.
Gordon het opgestaan en, ten spyte van sy niggie se pogings om hom te keer, uitgestap. Toe hy buite kom, was die groep reeds in Arendweg. Hy het weggehardloop terwyl hy die klikgeluide van vuurwapens agter hom gehoor het.
Die bendelede het Gordon glo in Petunialaan vasgekeer nadat hy geval het. Hy beweer hy is deur een van die verdagtes met ‘n vuurwapen teen die kop geslaan en “deur ‘n ouma” met ‘n okapi-mes gesteek. Omstanders het na bewering by die bende gepleit dat hulle Gordon nie moet doodmaak nie.
Die polisie doen ‘n beroep op die gemeenskap vir inligting wat kan help om drie verdagtes, wat steeds soek is, vas te trek. Enigiemand met leidrade kan die polisie by 082 850 9628 bel.
Niklaas Thysen, die voorsitter van die Strand-gemeenskapspolisiëringsforum (GPF), het hom op Facebook teen die misdaad uitgespreek: “Ons veroordeel die roekelose gedrag van hierdie jong bendelede sowel as die onversetlike vergelding van ‘n volwasse vrou wat na bewering ‘n jeugdige gesteek het.”
Thysen beweer dat ‘n gewelddadige bende-uitbarsting tydens ‘n kerkdiens in Storkstraat op Maandag 10 Maart verband hou met Gordon se aanranding. DistrikPos & Helderberg Gazette het die polisie genader vir bevestiging, maar AO Nico Beukes, ‘n woordvoerder van die Strand-polisie, het verklaar dat geen bendegeweld op daardie Maandag aangemeld is nie.
