Die Laerskool De Hoop se atlete het vanjaar uitstekend gevaar.
Altesaam 13 atlete het die Metro-Oos-atletiekspan verteenwoordig en aan die WP-atletiekkampioenskap deelgeneem.
Agt van die skool se atlete is in die WP-atletiekspan ingesluit.
Die atlete is Annalene Burger (o.10, verspring), Rachel Reid (o.10, hoogspring), Zani Volschenk (o.10, 1 200 m), Mila Ueckermann (o.11, gewigstoot), Lana Visser (o.11, 70 m-hekkies), Juane Maass (o.13, spiesgooi), Ruald de Villiers (o.10, hoogspring) en Nathan Sander (0.13, diskusgooi).
Die atlete het in Paarl aan die Wes-Kaap- atletiekkampioenskap deelgeneem.
Mila Ueckermann is in die Wes-Kaap-atletiekspan ingesluit wat dié vakansie aan die Suid-Afrikaanse atletiekkampioenskap gaan deelneem.
