PV hou 20ste olimpiade

Clayton Solomon (regs) en sy peetma, Elmari Roos, werk hard aan die vraestel in PV seBattle of the Minds-wiskundekompetisie.Foto:

Hoërskool Parel Vallei het onlangs sy 20ste wiskundekompetisie, Battle of the Minds, gehou.

Verskeie universiteite se wiskunde­olimpiade­vraestelle asook nuwe vrae wat deur PV se wiskundedepartement opgestel is, is gebruik om dié uitdagen­de wiskundevraestel saam te stel wat oud en jonk aan die dink gehad het.

Die doel van Battle of the Minds is om leerders voor te berei vir verskeie ander wiskundeolimpiades deur die loop van die jaar en hulle die geleentheid te bied om hul kennis in wiskundige probleem­oplossing met hul spanmaats te deel.

Slegs een klaskamer is in die beginjare gebruik, maar die afgelope paar jaar het die kompetisie na die skoolsaal verskuif om die meer as 140 deelnemers te huisves.

Leerders, ouers, oudleerders, ingenieursdosente van die Universiteit Stellenbosch en vriende van PV het aan die logika-aand deelgeneem.
Die pryswenners was:
. Graad 8: Jandre Erasmus en ma, Karina, (eerste), Ian Thom en broer Gido (tweede), Chantal Robinson en broer Daniel (tweede); Tean Kleynhans en pa, Theodor, (gesamentlik derde) en Benjamin Kleyn en Charl Marais (gesamentlik derde).
. Graad 9: Tian Groenewald en Sebastian Badenhorst (eerste), Ryan Niland en Nicolas Majewski (tweede) en Adriana van der Spuy en pa, Johan, (derde).
. Graad 10: Reuben van Wyk en oudleerder Mark Doyle (eerste), Danielle Kleyn en Caitlyn Slabbert (tweede) en Regardt Loedolff en oudleerder en broer Christiaan (derde).
. Graad 11: Kayla van Rensburg en Chanel Bowen (eerste), Dean Joao en Francois Truter (eerste), Michael du Plessis en Joshua Boshoff (tweede) en Gerard Madsen–Leibold en oudleerder en suster Ansophi (derde).
. Graad 12: Liam Schreiber (eerste); Du Toit Spies en Henko Uys (tweede) en Johan van der Spuy en Dillon Cilliers (derde).