LESERSBRIEF: Drie keer weggewys

Ek het Maandag (27 Mei) net ná ete by die Wingerd Pre-Primêre Skool opgedaag om te stem, maar kon egter nie stem nie, want die stelsels was af.

Ek het nog twee keer die middag opgedaag, maar die stelsel was af die res van die dag.

Dinsdag (28 Mei) hoor ek oor die nuus as die stelsels af is, moet die amptenare kiesers toelaat om per hand (manually) te stem, maar dat dit dikwels nie gebeur nie, want die amptenare het nie die nodige opleiding daarvoor nie.

Kan die media miskien druk uitoefen en help verseker dat die nodige opleiding geskied sodat niemand in die toekoms weggewys word omrede die elektroniese stelsel af is nie?

Bernhard Ficker,

Michael Hendrickse, provinsiale kiesbeampte, reageer: Die Onafhanklike Verkiesingskommissie (OVK) neem kennis van die inhoud van dié brief en bevestig dat hy op verkiesingsdag tegniese probleme ervaar het.In die aanloop tot die verkiesing het die OVK baie maande aan die opleiding van amptenare bestee en neem verantwoorde­likheid om te verseker dat amptenare op standaard in hierdie verband sal wees. Die OVK poog om in die toekoms beter te vaar.