Bergfietsryers sal weer die kans hê om hul passie vir die sport aan te wakker by Suid-Afrika se “MTB Partytjie van die Jaar”, die Savanna Origin of Trails MTB-ervaring, in Stellenbosch op Saterdag 16 en Sondag 17 November.
Fietsryers sal bederf word met die mees ikoniese en eksklusiefste bergfietsroetes in die Eikestad. Die tweedaagse individuele MTB-stadiumwedren sal by Coetzenburg begin en eindig. Ryers kan kies tussen die volle marathon (ongeveer 50 km per dag) en die halwe marathon (ongeveer 30 km per dag). Inskrywings kos R2 100 (vol) en R1 900 (half), en sluit ’n eksklusiewe First Ascent-ryershemp, ’n afrigter-katoenhemp, ’n afrigtermedalje, ’n skouspelagtige roete-ervaring, toegang tot wêreldklasroetes wat gewoonlik nie vir die publiek oop is nie, ’n ligte ontbyt met koffie op albei dae, middagete op albei dae, komplimentêre drankies en verversings, goed gevulde waterpunte, vermaak, opwindende kompetisies en pryse, en komiese optredes in.
“Dit is nie ’n wedren nie; dit is ’n viering van bergfietsry en ’n partytjie wat nie gemis moet word nie. Ná ’n besige jaar van wedrenne, is hierdie geleentheid die perfekte manier om te ontspan en die beste wat die sport te bied het in ’n skouspelagtige omgewing te geniet,” sê Michael Meyer, besturende direkteur van Stillwater Sports en stigter van die geleentheid.
Die geleentheid ondersteun trots die Stellenbosch Trail Fund (STF), ’n geregistreerde organinisasie sonder winsbejag wat geheel en al deur donasies van plaaslike roetegebruikers en korporatiewe borge gefinansier word. Vir meer inligting of om in te skryf, stuur ’n e-pos na entries@stillwatersports.com of besoek https://bit.ly/2024SavannaOOTOnlineEntries.
