Die oorlede voormalige minister van finansies en goewerneur van die Suid-Afrikaanse Reserwebank, Tito Mboweni, was nie net vir sy vaardigheid met syfers bekend nie, maar ook vir sy belangstelling in kookkuns.

Hy het die harte van baie op sosiale media gewen met sy beroemde Lucky Star-pilchards- ingemaakte vis-gereg en verskeie resepte.

Ter ere van sy nalatenskap, is Kamogelo Sojane, ’n banket- sous sjef by Sibaya Casino & Entertainment Kingdom, geïnspireer om ’n pilchard-gereg waardig vir Mboweni te skep en het sy viskrokette-resep gedeel.

“Nie net bring ek hulde aan Tito met my pilchard- geïnspireerde resep nie, maar vis bied ook talle gesondheidsvoordele aangesien dit baie kalsium, fosfor en vitamien D bevat – alles noodsaaklike minerale vir beengesondheid,” het Sojane gesê.

Viskroket(te)

• Bedien een, verhoog bestanddeel-hoeveelhede vir meer porsies
• Voorbereidingstyd: 10 minute
• Kooktyd: 25 minute

Bestanddele:

200 g Lucky Star-pilchards (sous afgetap)

90 g aartappels, geskil en in blokkies gesny

90 g groen-ertjies

90 g botterskorsie, in blokkies gesny

8 g visspeserye

5 g fyn sout

50 g koekmeel

50 g broodkrummels

1 eier, geklits

olie vir braai

1 pita brood

100 g gesoute botter

10 g vars tiemie

50 ml vars room

10 g geel ui, gekap

5 g eetbare blomme, vir garnering

Metode:

Kook die aartappelblokkies met sout en vars tiemie vir ongeveer 15 minute, of tot sag. Dreineer die water en maak die aartappels fyn. Voeg 20 g gesoute botter by die kapokaartappels en sit eenkant om af te koel.

Kook die botterskorsie vir 15 minute met ’n knippie sout tot sag. Sodra dit gekook is, dreineer die water, meng dit in ’n gladde puree en meng vars room by tot jou verlangde konsekwentheid. Bêre eenkant.

Maak die blik pilchards oop, maak die vis dan saggies skoon deur die eiers, ruggraatbene en enige oortollige sous van die pilchards te verwyder.

Braai die gekapte ui in ’n kastrol tot goudbruin. Voeg die skoongemaakte pilchards, visspeserye en ’n knippie sout by. Prut vir ongeveer 10 minute en hou eenkant om af te koel.

Meng die koekmeel met visspeserye en gekapte tiemie in ’n bak en hou eenkant.

Klits die eiers in ’n ander bak en geur met sout vir ekstra smaak en hou dit ook eenkant.

Sodra die kapokaartappels afgekoel het, neem ongeveer 40 g in die palm van jou hand en druk dit plat.

Plaas 10g van die voorbereide pilchards-vulsel in die middel van die kapokaartappel, vou die aartappel om dit en rol dit in ’n ronde kroketvorm.

Bedek die krokette deur elke kroket in die gekruide meel te doop, dan in die geklitste eiers, en laastens in die broodkrummels.

Verhit olie tot 180 °C (350 °F) in ’n diepbraaier of ’n groot pan.

Braai die krokette tot goudbruin en bros (ongeveer vier minute).

Sodra dit reg is, verwyder en dreineer op papierhanddoeke.

Rangskik die krokette op ’n bord, versier dit met mikro-kruie en eetbare blomme vir aanbieding.

Geniet jou bros, heerlike viskroket!