Leerders in Bloemfontein spog met nege en agt onderskeidings

BLOEMFONTEIN – ‘n Leerling van die Hoërskool Jim Fouche het nege onderskeidings in die 2025 senior sertifikaat-eksamen gekry en spog met ‘n gemiddeld 95.3%.

Die matrieks van 2025 kon Dinsdag 13 Januarie hul uitslae by die skool gaan haal.

Jaco Deysel spog met onderskeidings in Afrikaans (95%), Engels Tweede Taal (98%), wiskunde (97%), lewensoriëntering (98%), ekonomie (94%), fisiese wetenskap (90%), inligtingstegnologie (90%), rekeningkunde (92%) en addisionele wiskunde (85%).

JF spog verder met agt leerlinge wat elk sewe onderskeidings het. Hulle is Janeili Saaiman (92,4%), Amoné Verwy (90,7%), Janah Swarts (89,1%), Leané de Villiers (88,6%), Wihan Coertzen (88,3%), JD Roux (87,7%), Annabeth Barnard (85,6%) en Christiaan Botha (84%).

Joan-Marie Fourie (93,38%) van die Eunice High School het agt onderskeidings behaal. Dié dux-leerling van haar skool, sê die eksamen was moeilik, maar sy is baie dankbaar oor haar goeie uitslae.

Sy gaan vanjaar medies aan die Universiteit van die Vrystaat studeer.

Twee leerders van die Hoër Meisieskool Oranje spog ook elk met agt onderskeidings. Jillian Dixon het ‘n gemiddeld van 92,62% en Denise Cilliers het ‘n gemiddeld van 92,46%.

Christiaan Kotzé van die Hoërskool Fichardtpark spog met agt onderskeidings

Vier leerders van Oranje spog elk met sewe onderskeidings. Hulle is Mia Delport (89,08%), Anmari du Bruyn (88,77%) Bea du Toit (87,54%) en Nanette Jordaan (86,85%).

Die Vrystaatse matrieks het vanjaar die naasbeste in die land in die Senior Sertifikaat-eksamen gevaar.

Tydens die formale aankondiging deur die minister van basiese onderwys Siviwe Gwarube Maandag 13 Januarie in Johannesburg, gesê die slaagsyfer van 88% is die hoogste in Suid-Afrika se geskiedenis.

Die 88% slaagsyfer verteenwoordig ‘n 0.7 persentasiepunt toename van die vorige jaar se 87.3%. Hierdie mylpaalprestasie kom terwyl meer as 920 000 kandidate die 2025 eksamens landswyd afgelê het, wat dit die grootste nasionale assesseringsproses maak wat ooit in die land se geskiedenis onderneem is. Meer as 656 000 leerders het hul matriekeksamens suksesvol geslaag. Hierdie groep leerders het altesaam 6 950 skole nasionaal verteenwoordig.

Die Vrystaat het sy onderskeiding van eerste plek nasionaal verloor, wat nege jaar lank gehou is, aan KwaZulu-Natal, wat vir die eerste keer ‘n indrukwekkende slaagsyfer van 90.6% behaal het. Die Vrystaat het tweede plek behaal met ‘n lofwaardige 89,33% en Gauteng derde plek met 89,06%.

Besoek Novanews by https://novanews.co.za/ om jou matriek-uitslae aanlyn te sien.