Sien “bloedmaan” Sondag hier deur ‘n teleskoop

In Suid-Afrika en spesifiek in Bloemfontein sal die verduistering Sondag 7 September om 18:27 begin en van 19:30 tot 20:52 sal ‘n totale maansverduistering sigbaar wees. Loer gerus dan na die naghemel om ‘n skouspelagtige maansverduistering te sien.

Die Vriende van Boyden en die Naval Hill Planetarium reël geleenthede sodat die publiek meer kan leer oor die gebeurtenis in die lente-naghemel.

Tydens ‘n maansverduistering beweeg die aarde direk tussen die son en die maan in en gooi ‘n skaduwee op die maan se oppervlak.

Hierdie belyning veroorsaak dat die maan donkerder word en kan dit ‘n dieprooi of “bloedmaan”-kleur gee, wat veroorsaak word deur sonlig wat deur die aarde se atmosfeer verstrooi.

Daar is drie soorte maansverduisterings: totaal, gedeeltelik en halfskadu, afhangend van of die maan deur die donkerste deel van die aarde se skaduwee of die buitenste deel gaan.

Hier is wat gebeur tydens ‘n maansverduistering:

• ‘n Maansverduistering vind plaas wanneer die son, aarde en maan in daardie volgorde in lyn is, met die aarde in die middel.
• Die aarde blokkeer direkte sonlig om die maan te bereik en gooi sy skaduwee op die maan se oppervlak.
• Die aarde se skaduwee bestaan uit twee dele: umbra: Die donkerste, sentrale deel van die skaduwee, penumbra: Die ligter, buitenste deel van die skaduwee.

Soorte maansverduisterings:

• Totale maansverduistering: Die hele maan gaan deur die aarde se umbra, wat dit rooi of koperkleurig laat lyk.
• Gedeeltelike maansverduistering: Slegs ‘n gedeelte van die maan gaan die aarde se umbra binne, wat ‘n sigbare donker segment op die maanoppervlak skep.
• Penumbrale maansverduistering: Die maan beweeg slegs deur die aarde se penumbra, wat lei tot ‘n subtiele verduistering van die maan wat moeilik kan wees om raak te sien.

Tydens ‘n totale maansverduistering soos wat Sondag gesien sal kan word, word lig van die son wat deur die aarde se atmosfeer beweeg, verstrooi, soortgelyk aan hoe sonsondergange en sonsopkoms rooi lyk. Die aarde se atmosfeer verstrooi meer van die blou golflengtes van lig, sodat die langer, rooi golflengtes deur die atmosfeer gaan en die maan bereik.

Hierdie gefiltreerde rooi lig gee die maan sy kenmerkende rooierige of “bloedmaan”-voorkoms tydens ‘n totale maansverduistering.

Die drie geleentheide sluit in ‘n geleentheid om na die maan te kyk deur die teleskope by die Boyden-sterrewag naby Maselspoort. Die geleentheid begin om 17:00 en die hekke sluit om 18:30. Toegang kos R100 per motor en is slegs vooraf by Computicket beskikbaar.

Dan is daar ook twee geleenthede by die Naval Hill-planetarium. Die eerste is op 7 September van 19:00 tot 20:00. Kaatjies kos R30 en is op Computicket hier beskikbaar.

Die tweede geleentheid is by die Naval Hill-planetarium van 20:00 tot 21:00. Kaartjies kos R30 en is beskikbaar op Computicket deur hier te kliek.

Natuurlik hang sterrekyk van die weer af en ongelukkig word daar vir Sondagaand 62% wolkbedekking bokant Bloemfontein voorspel. So hopelik gee die wolke die ywerige kykers ‘n kansie.