Vrystaatse Kunswedstryd – Die Landboudal Boere se kultuurafdeling het onlangs hul talente met trots ten toon gestel by die Vrystaatse Kunswedstryd. Hierdie weeklange fees van woordkuns en kreatiwiteit het weer eens bewys dat Landboudal se leerders nie net akademies en sportief uitblink nie, maar ook ’n sterk stem in die kunste het.
Tydens die Vrystaatse Kunswedstryd was daar ’n verskeidenheid voordragte. Van formele gedigte tot gedramatiseerde poësie en die leerders het hul passie en talent met flair en selfvertroue gedeel. Die beoordelaars was vol lof oor die hoë standaard van die optredes, en die uitslae spreek boekdele:
- Bradley Jacobs (Graad 8) – 70% B vir ’n formele gedig
- Amolegang Matthews (Graad 8) – 80% A vir ’n gedramatiseerde gedig
- Caitlyn Townsend (Graad 8) – 94% A+ vir ’n gedramatiseerde gedig
- Jeníeke Strydom (Graad 9) – 80% A vir ’n formele gedig
- Luthando Ramoji (Graad 9) – 76% B+ vir ’n gedramatiseerde gedig
- Gaynor Speek (Graad 9) – 92% A+ vir ’n gedramatiseerde gedig
- Ava Townsend (Graad 10) – 80% A vir ’n gedramatiseerde gedig
- Ella du Toit (Graad 10) – 95% A++ vir ’n gedramatiseerde gedig
- Mariet du Plessis (Graad 12) – 95% A++ vir ’n gedramatiseerde gedig
Die uitsonderlike prestasies van leerders soos Ella du Toit en Mariet du Plessis, wat met A++ bekroon is, beklemtoon die toewyding en harde werk wat in elke voordrag ingesit is.
Landboudal Boere-gemeenskap is uiters trots op hierdie kultuursterre en hul bydrae tot die skool se ryk tradisie van uitnemendheid. Hierdie prestasies dien as inspirasie vir ander leerders om ook hul kreatiewe talente te ontwikkel en met selfvertroue die verhoog te betree.
“Baie geluk aan elke deelnemer – julle het die Boere se kultuur met glans verteenwoordig!”
