Vrydag 30 Desember 2022 was kol. Ntombikayise Matyolo se laaste dag in die polisie ná 33 diensjare waarvan sy vir 10 jaar by die Vredenburg-polisiekantoor gestasioneer was. Sy is op 1 Desember 2018 na kolonel bevorder en as bevelvoerder aangestel.
’n Welbekende polisie-offisier in die Weskus-distrik het haar plek op 19 Januarie oorgeneem. Kol. Lindie Marx beskou die aanstelling as stasiebevelvoerder as ’n welkome uitdaging en benadruk die feit dat sy en haar bestuurspan ’n groot verskil in Vredenburg wil maak.
