’n Tienermeisie (13) van Seekoevlei in Clanwilliam het Maandagoggend 27 Februarie in ’n botsing gesterf.
Volgens kapt. Tania Helfrich, ’n woordvoerder van die Weskus-polisiedistrik, het ’n voertuig wat ’n vragmotor verby gesteek het in die motor vasgery waarin die kind ’n passasier was. Die voorval het op die R364-pad tussen Clanwilliam en Graafwater plaasgevind.
Nadat die twee voertuie gebots het, het die motor waarin die meisie gereis het, die pad verlaat en gerol.
Sy is om 09:30 op die toneel dood verklaar.
Die polisie ondersoek ’n saak van strafbare manslag.
