Met haar skugter glimlag
Skyn sy deur die dag.
Introvert, “nerd”, Bennie Boekwurm-Meisiekind
Sy leef in ’n wêreld waar mense jaag
En karre raas
“Misfit”, kan jy sê
Amper soos ’n vrye vers in ’n
Wêreld vol kwatryne
Tog is haar waarde ver bo
Al die wêreld se myne
Sy leef haar ware self
Skrander, eenkant
Sy is besig om te delf
Aan ’n toekoms, aan ’n destiny
Meisiekind!
Eendag sal haar stilte so
Oorverdowend wees
En dis haar “haters” se grootste vrees
Dat haar stilte die wêreld sal oorheers.
Deur E. L. Cloete
