Die Vredenburg-polisie verwelkom sers. Fagmida Carelse as Vredenburg se nuwe maatskaplike misdaadvoorkomingsbeampte.
Carelse se rol is om onder meer bystand aan slagoffers van misdaad te verleen en om verskeie plaaslike gemeenskap-, jeug- en skoleprojekte te fasiliteer. Slagoffers van misdaad, geweld en in besonder gesinsgeweld wat ondersteuning nodig het, word genooi om met Carelse by die Vredenburg-polisiekantoor te kom gesels.
Carelse volg sers. Felicity November op, wat voorheen direk met die gemeenskap geskakel het. November is onlangs na ’n ander polisiekantoor in die Wes-Kaap verplaas.
