Die Paarlberg-fees word op 4 Maart vir die eerste keer by die Faure-stadion in die Paarl aangebied.
Feesgangers kan uitsien na vermaak deur van die land se voorste kunstenaars, soos Riaan Benade, Robbie Wessels, Spoegwolf en Francois van Coke.
Danksy die Paarl se lekker warm weer sal koeldranke en alkoholiese verversings beskikbaar wees. Hamburgers, pizza’s, hoenderrepies, piekniekmandjies en vele meer kan geniet word.
Die hekke open om 13:30 en die eerste optrede begin om 14:30.
Kaartjies is te koop by Quicket.
