Massaman-kerrie is ’n gunsteling vir besoekers aan Thailand.
Indien jy lus is vir ’n heerlike hoender- of beesmassaman-kerrie, toets hierdie resep van die Thaise sjef Nawamin Pinpathomrat, oftewel Dr Boss.
Bestanddele:
Vir die kerriepasta:
1½ tl koljandersaad
½ tl komynsaad
4 naeltjies
4 kardemomsade
1 tl gemaalde kaneel
½ teelepel gemaalde neutmuskaat
10 heel gedroogde rooi brandrissies, geweek om sag te word
6 knoffelhuisies
4 sjalotte
1 stam vars galangal
2 stingels suurlemoengras
1 tl Thaise lemmetjieskil
½ eetl seesoutvlokkies
½ eetl witpeperkorrels
1 eetl garnaalpasta
Vir die maak van die kerrie:
500 ml blikkie klappermelk
2 eetl massaman-kerriepasta
500 g stowe biefstuk of 600 g hoender, in blokkies gesny
300 g klein aartappels
3 klein uie, gehalveer
50 g geroosterde grondboontjies
4 Thaise lemmetjieblare (opsioneel)
1 kaneelstokkie (opsioneel)
4 ster-anys (opsioneel)
1 e palm- of sagte ligbruinsuiker
1 e vissous (of 1/2 e sout)
Metode:
Verhit 2 e klappermelk in ’n groot pot met ’n deksel. Voeg die kerriepasta by en braai vyf minute op lae hitte.
Roerbraai die beesvleis/hoender in sous tot goed bedek.
Roer die res van die klappermelk by. Bring tot kookpunt, bedek dan en prut minstens 30 minute vir beesvleis/15 minute vir hoender totdat die vleis sag is.
Voeg die aartappels, ui, lemmetjieblare, kaneel, suiker, vissous en die meeste van die grondboontjies by en laat dit dan vir nog 30 minute prut.
Sprinkel die oorblywende grondboontjies oor, en sit voor met jasmynrys.
