Weskus Skool in Saldanha se o.15-rugby- en netbalspelers het onlangs vir ’n naweek in Aurora gekuier.
Vrydag het afgeskop met ’n besoek aan die Khoi-San-soutmaatskappy naby Velddrif waar die spelers gesien het hoe sout verpak en bewerk word. Aangekom in Aurora het die seuns gebraai en die aand is op ’n hoogtepunt met ’n sokkie afgesluit. Saterdagoggend vroeg was almal vroeg uit die vere om aan ander plaaslike skole hul sportvernuf te wys by die Hoërskool Aurora se jaarlikse sportdag. Die dag word op ’n gepaste wyse afgesluit met ’n ete by die Spur.
Weskus Skool bedank ieder en elk wat die naweek vir die leerders moontlik gemaak het.
