Maak gereed vir ‘n onvergeetlike aand op Donderdag 26 Maart wanneer Juan Boucher, een van Suid-Afrika se gewildste en mees geliefde Afrikaanse kunstenaars, weer die verhoog by Kapstadt Brauhaus by Club Mykonos in Langebaan inneem.
Boucher bly met sy kenmerkende stem, egte lirieke en kragtige verhoogaanwesigheid ‘n kunstenaar wat gehore landwyd betower. Besoekers kan uitsien na ‘n energieke, emosievolle vertoning met ‘n mengsel van sy grootste treffers, gewilde gunstelinge en nuwe vrystellings. Of jy Juan al jare lank volg of onlangs sy musiek ontdek het, bied hierdie vertonings iets spesiaal vir almal.
Die vertoning vind om 20:00 plaas. Kaartjiepryse begin by R185. Besoek quicket.co.za om te bespreek.
