PAMPOENSOP
Bestanddele
kanola- of olyfolie
1 ui, fyn gekap
1 kg pampoen, geskil en in klein blokkies gesny
750 ml (3 koppies) hoenderaftreksel
2 eetlepels gekapte vars pietersielie
250 ml (1 koppie) ingedampte melk
varsgemaalde swartpeper, na smaak
Metode
Verhit olie in ’n groot kastrol.
Voeg die ui by en kook oor matige hitte vir ’n paar minute tot sag.
Voeg die pampoen en aftreksel by, bring tot kookpunt.
Verlaag die hitte effens en prut, gedeeltelik bedek, vir 20 minute of tot die pampoen baie sag is.
Puree die sop in ’n voedselverwerker tot dit glad is, of druk dit deeglik met ’n aartappeldrukker.
Roer die pietersielie en melk by en verhit liggies sonder om weer te kook.
Geur en sit voor.
PATATSOP
Bestanddele
Olyfolie of kanolaolie
1 groot ui, gekap
2 teelepels fyngekapte knoffel
1 teelepel gemaalde brandrissie
2 teelepels gemaalde koljander
1 kg patat, geskil, in klein blokkies gesny
1 liter hoender- of groenteaftreksel
150 ml blikkie ingedampte melk
½ koppie gekapte vars koljanderblare
4 harde broodrolletjies
Metode
Verhit olie in ’n groot kastrol en braai ui oor matige hitte vir 3-4 minute tot sag.
Voeg knoffel, brandrissie en gemaalde koljander by, kook en roer, vir 1 minuut.
Voeg patat en aftreksel by.
Bring tot kookpunt, verminder dan hitte en prut vir 20 minute tot patat sag is. Laat effens afkoel en puree in ’n voedselverwerker tot glad.
Keer terug in kastrol, voeg melk by en verhit weer effens.
Roer koljander deur en garneer met ekstra heel blare indien verkies.
Bedien binne broodrolletjies.
