Bestanddele
olyfolie of
kanola-olie
1 ui, gekap
2 t gemaalde knoffel
1 e gemaalde gemmer
2 e Indiese kerriepasta (soos Madras of Tikka)
1 t gemaalde komyn
1 t gemaalde kaneel
1 t gemaalde borrie
2 t gemaalde koljander
500 g maer lamsvleis, in blokkies gesny
1-1½ koppies basmatirys
1 liter hoenderaftreksel
1 koppie bevrore ertjies
200 g blomkoolblommetjies
¼ koppie gedroogde appelkose, in blokkies gesny
200 g gewone jogurt
2 e gekapte vars kruisement
2 tamaties, gekap
2 e gekapte vars koljander
Metode
Verhit die oond vooraf tot 180 °C.
Spuit ’n groot oondbak met olie en braai ui en knoffel oor matige hitte tot sag.
Voeg gemmer, kerriepasta, komyn, kaneel, borrie en gemaalde koljander by en kook, terwyl jy roer, vir 1 min.
Voeg ’n derde van ’n koppie water by, indien nodig, om vasbrand te voorkom. Voeg lam by en kook vir 3-5 minute of tot bruin.
Roer rys by en kook vir 1 minuut.
Voeg aftreksel, ertjies, blomkool en appelkose by en bring tot prut.
Bedek en bak dan in oond vir 25-30 minute of totdat aftreksel geabsorbeer en rys gaar is.
Haal uit oond en laat rus vir 5 min.
Meng jogurt en kruisement.
Meng tamaties en koljander in ’n aparte bak.
Sit brijani voor saam met jogurtmengsel en tamatiemengsel.
