Spanne van oor die Weskus heen sowel as van die Kaap en die Paarl het ingeskryf en aan die eerste Alex Alarms Paternoster Beach Fest, ’n strandsportfees wat Saterdag 2 Desember op die voorstrand gehou is, deelgeneem.
Spelers het in strand-raakrugby, strandsokker en strandnetbal meegeding.
Vredenburg Crossfit het ook ’n afdeling, Fittest on the Beach, gereël.
Volgens die organiseerder, Mike Grundling, is die sportfees gebore uit ’n honger vir ’n nuwe soort aktiwiteit vir die Weskus, ’n droom van Visit Paternoster in samewerking met die Paternoster-hotel, wat al 50 jaar in die besit van die Carosini-familie is.
Die wenners was:
Fittest on the Beach
Skaalafdeling – eerste: Carel Ludeke en Annemari Pienaar; tweede: Frans Hugo en Charissa Muller; derde: Salomi Dreyer en Marina van Tonder.
Meesters (ouer as 35) – eerste: Michael en Mandy-Lee Jacobs; tweede: Thys du Toit en Siphosethu Legoabe; derde: Marchello Melando en Derick du Toit.
Netbal
Onder 19 – goud: Spot-on-Deals (Paternoster); silwer: Stompas Vikings (St. Helenabaai); brons: Sonskyn (Paternoster).
Senior – goud: Crossfit Vredenburg Fireballs (Vredenburg), silwer: Win or Booze (Kaapstad), brons: Aquaholic (Durbanville).
Sokker
Onder 14 – goud: Les Geurriers Youth Development Empowerment Academy (Paarl), silwer: Supersport (Paternoster); brons: Young Falcons (Langebaanweg Primêr).
Seniors – goud: Bulls (Langebaan), silwer: 11 Strikers (Paternoster), brons: Laguna Lads (Milnerton).
Rugby
Onder 14 – goud: Diazville Primêr (Saldanha), silwer: Paternoster Sosiaal (Paternoster); brons: Les Geurriers Youth Development Empowerment Academy (Paarl).
Onder 19 – goud: Hoërskool Weston (Vredenburg), silwer: Nantes (Nieuwoudtville), brons: Stompas Vikings (St Helenabaai).
Senior – goud: Paternoster Sosiaal (Paternoster), silwer: Elandsbaai RVK Bomb Squad; brons: Stompas Vikings (St Helenabaai); brons: Aquaholic (Durbanville).
Volgende jaar hoop Grundling om die sportbyeenkoms uit te brei om ook strandhokkie, strandvlugbal, strandkrieket, ’n bootresies tussen vissermanne, seeswem en roeiwedrenne in te sluit.
Hulle beoog om weer nét stalletjiehouers uit die Weskus te nooi en dit te kombineer met aanbiedings soos ’n musiekkonsert.
“2023 was ’n suksesvolle proeflopie. Ons kon gewis sien waar ons in die toekoms kan verbeter om van hierdie fees die nommer-een-sportfees van sy soort vir kinders en volwassenes te maak,” het Grundling bygevoeg.
Hy het ook die Saldanhabaai-munisipaliteit bedank vir “die visie wat hulle getoon het om ’n behoefte in die Weskus vir dié soort unieke fees te identifiseer”.
Die feit dat die toegangsgeld so billik was, het beteken almal kon deelneem.
Grundling bedank al die borge, skeidsregters, deelnemers, spanne, ondersteuners, stalletjiehouers en die gemeenskap van Paternoster.
Vir navrae om betrokke te raak stuur e-pos na sport@paternosterbeachfest.com.
