Die Saldanha-buurtwag het onlangs die Tabakbaai-buurtwag gehelp met die verkryging van hul identifikasiekaarte.

Hierdie kaarte is ’n amptelike vorm van identifikasie wat vrywilligers by hulle hou wanneer hulle patrollies in hul woonbuurte doen. Om dié ID-kaart te kry, moet die voornemende buurtwaglid polisieklaring kry om te verseker dat die persoon nie vorige oortredings het nie. Sy of haar vingerafdrukke word onder meer tydens die proses geneem.