Met koue wintersaande wat vinnig nader kruip, is hierdie romerige biltong- en aartappelsop van Charldo de Kock, sjef en vennoot by Soverby Lapa in Dwarskersbos, net die dis om jou van binne af warm te maak hierdie winter.
Bestanddele
4 groot aartappels
fyn biltong (200 g)
gekerfde beesbiltong (300 g)
1 groot ui
500 ml water
1 pakkie wit uiesop
2 blokkies bief-aftreksel
2 F melk
500 ml room
eetlepel knoffel
koljanderblare
eetlepel koljanderpoeier
teelepel paprika
koppie cheddar-kaas
Metode
Braai gekapte uie tot goudbruin in pot.
Voeg biltongpoeier by gebraaide uie tesame met 500 ml water, knoffel, koljanderblare, koljanderpoeier en blokkies bief-aftreksel.
Neem 500 ml melk en meng dit goed met die wit uiesop. Voeg by. Kook tot vloeistowwe dik raak. Roer gereeld.
In ’n aparte pot kook geskilde aartappels tot sag. Dreineer die water en voeg 1,5 F melk by aartappels. Met ’n elektriese versapper, meng die aartappels en melk tot in pulpvorm.
Voeg by pot met sopbeslag.
Voeg die gekerfde biltong by en bring tot kookpunt. Voeg paprika en room by.
Laastens, voeg gerasperde cheddar-kaas by met sout en peper na smaak.
