Bestanddele
1/3 koppie B-Well Canola-olie
3 eetlepels B-Well Tangy Mayonnaise
¾ koppie amandel/plantmelk
1½ koppies bruinsuiker
2½ koppie meel/glutenvrye meel
1 tl koeksoda
1 tl vanieljegeursel
1½ koppie appels, in klein stukkies gesny
2 tl kaneelpoeier
1 eetlepel klapper-botter
4 eetlepels klapper-nektar
klappervlokkies (opsioneel)
Metode
Verhit die oond tot 190 °C.
Meng die bruinsuiker, olie, mayonnaise, vanielje en melk in ’n mengbak totdat die beslag goed gemeng en glad is.
Meng die meel, ’n teelepel kaneel en koeksoda in ’n ander mengbak.
Roer die nat en droë mengsel saam en vou stukkies appel in.
Plaas beslag in ’n groot gesmeerde koekpan of ’n kolwyntjiebak.
Kombineer die res van die kaneel met die klapperbotter, klappernektar en klappervlokkies en sprinkel eweredig oor die beslag. Dit sal ’n krakerige krummel skep wanneer dit gebak is.
Bak vir 45 minute en bedien warm met room of roomys.
Bron: www.bwellfoods.co.za
