Bestanddele
Olyfolie of ’n oliespuit
500 g varkfilet, in blokkies gesny
200 g klein uitjies,
1 wortel, gesny
300 g pampoen, in blokkies gesny
1 koppie witwyn
2 koppies hoenderaftreksel
2 lourierblare
2 takkies vars roosmaryn
1 rooi soetrissie, gekap
2 murgpampoentjies, in skywe gesny
1 eetl mielieblom
4-6 kluitjies, gestoom
Kluitjies:
1 koppie selfrysende meel, plus ekstra om af te stof
20 g margarien
2 e gekapte vars kruie van keuse
1/3 koppie melk
Metode
Spuit ’n groot swaarboomkastrol of oondbak met olie. Braai varkvleis oor hoë hitte vir 3-5 min. of tot bruin.
Voeg uie by en kook 5 min. tot bruin.
Voeg wortel, pampoen, wyn, aftreksel, lourierblare en roosmaryn by en bring tot kookpunt.
Verlaag hitte en prut, bedek, vir 30 min.
Voeg soetrissie en murgpampoentjies by en kook vir nog 15 min. Meng mielieblom met 1 eetlepel water en roer in kasserol.
Kook, roer, tot mengsel kook en verdik.
Om kluitjies te maak, sif meel in ’n bak en vryf dan margarien in tot mengsel soos fyn broodkrummels lyk.
Roer kruie en melk by tot mengsel bymekaarkom om ’n sagte deeg te vorm.
Keer deeg uit op ’n oppervlak wat liggies met meel bestrooi is en knie liggies vir 1 min. Verdeel deeg in 8 porsies en vorm balletjies.
Plaas bolletjies bo-op kasserol, bedek dan en kook oor matige hitte vir 15 minute of totdat ’n toetspen wat in die middel van ’n bolletjie gesteek word skoon uitkom.
Sit dadelik voor.
