Twee bejaardes in motorbotsing op St. Helenabaai-hoofpad beseer

Twee bejaardes is beseer in ’n motorbotsing Dinsdagmiddag (25 Julie) op St. Helenabaai se hoofpad, net voor die Steenberg’s Cove-afdraai.

Kapt. Tania Helfrich, woordvoerder vir die Weskus-polisiedistrik, het by navraag gesê die twee bejaardes het volgens ’n ooggetuie glo uit ’n systraat voor ’n vragmotor ingedraai toe die botsing plaasgevind het. Helfrich sê die bejaardes is beseer, maar gelukkig nie ernstig nie.