’n EEN-VROU vertoning, Magda Louw, gaan binnekort deur die gevierde aktrise, Désiré Gardner, by die Impetus Teater in Gqeberha opgevoer word. Die vertoning word met trots aangebied deur die VLV Sirkel Middelland en vind op 25 Mei om 09:00 plaas.
Oor Désiré Gardner:
Désiré Gardner is ’n gevierde aktrise met ’n ryk geskiedenis in die teater- en televisie wêreld. Sy het ’n besondere talent vir karakterisering en het reeds menigte harte verower met haar vermoë om die diepste emosies en lewenservaring op die verhoog oor te dra. Haar passie vir die kunste en haar toewyding aan uitnemendheid maak haar ’n perfekte keuse vir die rol van Magda Louw.
Die Magda Louw-karakter:
In Magda Louw deel Désiré Gardner die siening van vrouwees en menswees deur die oë van die titel karakter, Magda Louw. Dit is ’n “knop-in-die-keel” kykie op die onvermydelike dinge in die lewe, soos oudword. Die vertoning gee ook ’n blik op die uitdagings van ma-wees, die huwelik, menopouse, jaloesie, en botoks. Besoekers kan ’n lekker lag en ’n goeie dosis inspirasie verwag.
VLV Sirkel Middelland:
VLV Sirkel Middelland is aktiewe vroue wat saamkom om kennis te deel, vriendskappe te smee, en die kultuur en tradisies van ons land te vier. Vir meer inligting oor VLV Sirkel Middelland, besoek hul Facebook-blad of die Vroue-Landbouvereniging van Kaapland se webwerf of kontak Hannelie Low by 082 372 4681.
Magda Louw kaartjies is beskikbaar teen R250 per persoon (verversings ingesluit) in Gqeberha by Mariët by 082 614 5200 en op Despatch by Moniques by 041 933 1511 of jou naaste VLV tak.
