Die naweek van 22 tot 24 Maart 2024 gedurende die skoolvakansie het die Kariega Dojo span hul talent en toewyding gewys by die WUKF South Africa National Championship & Afro-Asia Open wat ’n “All Styles” kompetisie is, deelgeneem by Boardwalk Conference Centre, met medalje wenners Ethan Bothma, Lionel Martin, Morné van Zyl en Anrich Lamprecht wat die span trots gemaak het.
Die Kariega Dojo se kampioene het die kompetisie aangevuur met hul ongelooflike vaardighede en vasberadenheid.
“Ek is trots op elkeen van ons deelnemers vir hul harde werk en toewyding,” het Sensei Stephen Bothma van Kariega Dojo gesê. “Die kompetisie was ’n ware beproewing van ons vaardighede, maar ons het dit met vaardigheid en moed hanteer.”
Die Kariega Dojo span het nie net hul talent gewys nie, maar ook hul samewerking en gees van eenheid. Met ’n onwrikbare gees van vasberadenheid, is hierdie atlete beslis iets om dop te hou vir die toekoms.
Hierdie kompetisie was slegs die begin van ’n lang reis vir die Kariega Dojo span. Met hul oë op die toekoms, is daar geen twyfel dat hierdie atlete groot dinge gaan bereik nie.
Lande soos Skotland, Amerika, Frankryk en Namibië het kom deelneem teen Suid-Afrika.
In totaal was daar 700 atlete wat deelgeneem het en 1 850 kategorie inskrywings.
President Cyril Ramaphosa se teenwoordigheid by die geleentheid was ’n groot eer en voorreg vir die deelnemers en toeskouers wat een van die grootste karate kompetisies in Suid-Afrika is.
Vir meer inligting oor Kariega Dojo en program, kontak Sensei Stephen Bothma op 083 270 9032 of Mornette Bothma op 084 556 4029.
