Brandwag se eerste rugby wedstryd in meer as jaar
Die Hoërskool Brandwag het Muir College Saterdag 48-12 verslaan in Brandwag se eerste skolerugbywedstryd in meer as ’n jaar.
Brandwag het tuis gespeel en agt drieë gedruk teenoor twee deur Muir. Vir die tuisspan het senter Corné Dawson en flank Keano Botha albei ’n driekuns aangeteken. Brandwag se ander twee drieë is deur losskakel Michael Annies en regtervleuel Godwin Fillis gedruk.
Annies het drie drieë verdoel en heelagter Johan Smalberger een.
Vir Muir het skrumskakel Luke van Aardt twee drieë gedruk waarvan hy een verdoel het.
Die rustydtelling was 19-5.
