DIE Hoërskool Brandwag het Bergsig Skool Saterdag 28-17 op Brandwag se tuisveld geklop.
Die wedstryd het ’n groot skare gelok aangesien die Bergsig Bere sovêr vanjaar ’n baie goeie seisoen beleef.
Bergsig het verlede jaar se kragmeting teen Brandwag net-net verloor en het vroeër vanjaar 24-19 teen Daniel Pienaar gewen. Brandwag het in April in ’n Tinara-beker tuiswedstryd 22-30 teen Muir vasgeval, maar het intussen die volgende Tinara-kragmeting teen Muir 38-13 op Muir se Ellis-veld gewen.
Brandwag het ook hul Tinara-beker tuiswedstryd teen Daniel Pienaar 18-5 gewen, maar die wegkragmeting sal eers in Augustus gespeel word.
Vir Brandwag het skrumskakel Lu-Crain Muggels (twee) en Bihaco Jafta drieë teen Bergsig gedruk. Losskakel Angelo Adams het twee skepskoppe, ’n strafskop en twee verdoelskoppe aangeteken. Bergsig se drieë is deur losskakel Edwill Jantjies, agsteman Johandre Visagie en voorryman Sihle Teleza gedruk. Jantjies het een drie verdoel. Die telling was teen rustyd 5-0 vir Brandwag.
