Die polisie het genoeg bewyse en inligting om twee mans aan te kla vir die aanranding op ’n 22-jarige man op Langebaan.
Een van die verdagtes in die aanval verlede week by Die Watergat-kroeg op Langebaan langs die Weskus, is glo van Kuilsrivier, sê Brice.
Philip is glo met ’n skerp voorwerp bygekom nadat ’n bakleiery by die kroeg op Maandag 4 Julie uitgebreek het. Luidens mediaberigte wou Philip glo sy vriend help deur die bakleiery te stop. Philip is aan sy kop en gesig beseer. Hy is na die hospital gehaas en is Donderdag uit die Mediclinic Panorama ontslaan, sê ’n gesinslid.
“Dit gaan alright. Ek kan nie sê dit gaan beter nie, maar dit gaan aan. Hy is darem on the road to recovery,” sê die persoon.
Phillip herstel tans by sy ouerhuis in Durbanville.
“Dis nou in die hande van die ondersoekbeampte wat die dossier gaan voorlê aan die senior staatsaanklaer op Vredenburg. Die aanklaer moet dan sy beslissing maak. Dis ’n skedule een-oortreding, en ek glo hulle (die polisie) het genoeg bewyse en inligting om voort te gaan.”
Die verklarings is aan die polisie oorhandig.
’n Klag van aanranding met die doel om ernstig te beseer word ondersoek.
