Con Spirito Filharmonies bied op Saterdag 29 Augustus om 19:30 ‘n uitvoering van hoogtepunte uit Händel se Messias en ander klassieke meesterstukke aan in die NG kerk Uitsig in Ridgeworth, Bellville.

Dr. Sjoerd Alkema, Con Spirito se dirigent, sê die geleentheid is geskik vir die hele gesin.

Con Spirito bied gereeld geleenthede vir plaaslike en internasionale kunstenaars aan om hul talente te deel.

Program

Hierdie program sluit twee solo-konserte in. Matthias-Remley Ender sal die pragtige “Tjellokonsert in C” deur Haydn uitvoer en dr. Pieter Rooi sal Mozart se “Klavierkonsert in A, K488”, vertolk.

Vir die res van die program het Alkema 11 geliefde koorstukke uit Händel se Messias gekies. Sipho Fubesi (tenoor) en Bongani Khubeka (bas) tree op as soliste.

Kaartjies teen R230 is beskikbaar by Webtickets.

Konsessiekaartjies (R180) vir seniors, studente en kinders is beskikbaar by Allmusic in Brackenfell by 021 981 5551 of am@allmusic.co.za.

Kaartjies sal ook by die deur beskikbaar wees.

LEES OOK: Nataniël kom maak ‘n Kaapse draai in Welgemoed, Yzerfontein en Kaapstad