Die heining by die Durbanville-biblioteek gaan geskuif word om voorsiening te maak vir die verbreding van Oxfordstraat om ’n linksdraaibaan vanuit Oxfordstraat in Koebergweg toe te laat.
Dit het aan die lig gekom by ’n vergadering van subraad 7 verlede Maandag in Durbanville.
Die linksdraaibaan gaan gedeeltelik oor die hoek sny, en daarom moet die heining geskuif word.
Ten minste 17 nuwe parkeerplekke gaan teenaan die park toegeken word, terwyl nog sowat 15 parkeerplekke aan die kant van Koebergweg toegeken word.
Nog twee hekke, in Oxfordstraat en aan die munisipale kantore se kant, sal aangebring word. Met die speelpark omhein, sal dit ook groter veiligheid vir die kinders in die park meebring. “Dit sal daartoe lei dat ouers die speelpark beter kan benut,” het sy gesê. Die geld vir die projek moet nog toegewys word.
Die swak toestand van die tuin van die Durbanville-biblioteek het ook onder die loep gekom. Uys het gesê die biblioteek word deur talle mense besoek en die Stad moet by die diensverskaffer wat die tuin moet versorg, uitvind wat die probleem is.
