Die NG kerk Kuilsrivier-Suid (Suidkerk) se Sterlig-geskenkmark is tans oop tot en met Saterdag 9 Desember – op weeksdae van 10:00 tot 19:00 en op Saterdae van 10:00 tot 15:00.
Die liggies in die kerk se tuin word op Vrydag 1 Desember om 20:00 aangeskakel.
Bring die hele familie – van ouma en oupa tot ooms, tannies, jou klein boetie of sussie, jou beste vriend of vriendin – en kom kuier heerlik saam.
Daar word elke aand ligte etes verkoop, asook onder meer springmielies, tema-brille en ander lekkergoed.
Die kerk is langs die Langverwacht-pad, maar parkering is beskikbaar agter die kerk te Dennestraat 21.
Stuur ’n WhatsApp na 082 769 8014 vir meer inligting.
