Die gemeente van die NG kerk Durbanville het verlede week as deel van die kerk se 200ste bestaansvieringe vanjaar ‘n Passiespele in die tuin van die kerk aangebied.
Die Passiespele gee die verhaal van die kruis lewe – nie net as ’n geskiedenis nie, maar as ’n uitnodiging om weer te voel, te glo en te onthou, lui ‘n inskrywing op die Durbanville-gemeente se Facebook-blad by https://www.facebook.com/durbanvillegemeente.
“Dit was ’n heilige reis deur die lyding, liefde en oorwinning van Christus,” lui die inskrywing.
Altesame 70 gemeentelede van die kerk het aan die Passiespele, onder regie van Jan Burger en Edith Fehrson, deelgeneem.
Die dekor en rekwisiete is ook onder leiding van Fehrson en haar man, Fred, gemaak.
Die oorspronklike teks is deur dr. Ernst van der Walt geskryf en die musiek is deur sy eggenote, Freda van der Walt, saamgestel. Foto’s: Eugene Maritz
You must be logged in to post a comment.