Luna Paige, sangeres en liedjieskrywer, se jongste enkelsnit, “Die Oral” is onlangs op verskeie musiekplatforms vrygestel.
Paige sê “Die Oral” is ‘n roerende lofsang vir menslike konneksie en dien as ‘n voorsmakie vir haar nuwe album, Die Reisigers.
Die inspirasie vir “Die Oral” het vorm aangeneem op ‘n stoep in Porto, Portugal, tydens haar reise in 2024, vertel Paige.
Terwyl sy die universele taal van die liefde vanaf ‘n afstand dopgehou het — families wat op die kaai skater tot tieners wat op ‘n hawemure flankeer, is sy diep geraak deur die inherente menslike behoefte aan veiligheid en gebondenheid.
“Om ‘n vreemdeling in ‘n vreemde land te wees, herinner jou net weer aan hoe eenders ons almal is en hoe afhanklik ons van mekaar is,” sê Paige.
“Ons verloor so maklik dit wat ons as mense bind uit die oog. Ek het die frase ‘everywhere people loving people everywhere’ neergepen, en met my terugkeer na Suid-Afrika het ‘Die Oral’ lewe gekry.”
Op toer
Paige het weer met André Scheepers, vervaardiger en musikant, kragte saamgesnoer om die snit op die lug te kry.
Die duo het die oorspronklike vertoningsweergawe verfyn deur met vokale melodieë en instrumentele deuntjies te eksperimenteer.
Die snit spog met die kenmerkende kitaarwerk van Henry Steel.
Die bekendstelling van “Die Oral” lui die begin van ‘n omvattende nasionale toer in vir Paige.
Optredes in die Wes-Kaap:
Donderdag 19 Februarie |Die Koelkamers | Paternoster | Koop kaartjies HIER
Sondag 22 Februarie | Drostdy Teater | Stellenbosch | Koop kaartjies HIER
Woensdag 25 Februarie | Die Boer | Durbanville | Koop kaartjies HIER
1-3 April | Die Windpomp | KKNK | Oudtshoorn | Koop kaartjies HIER
Besoek www.lunapaige.com vir al die toerdatums en besprekings.
Luister na “Die Oral” op al die gewilde stromingsplatforms:
Bandcamp , Apple Music. Spotify, SoundCloud, iTunes, Deezer
WEN! WEN! WEN!
Skryf in vir ‘n kans om twee kaartjies na Luna Paige se vertoning op Woensdag 25 Februarie on 20:30 by Die Boer-teaterrestaurant in Durbanville te wen.
You must be logged in to post a comment.