Ek is eintlik skrikkerig om hierdie te deel, want dalk trek almal met voertuiglisensieprobleme uit die noorde van ons land Paarl toe . . .
Ek het die verkeersdepartement geskakel, die bedrag vir my voertuig se lisensie-hernuwing gekry, dit inbetaal, die betalingsbewys saam met die registrasiedokument, my ID en die voltooide vorm per e-pos na onlinerenewals@drakenstein.gov.za gestuur.
Elf minute nadat ek die send-knoppie gedruk het, het ek e-pos van ene Debmarie gekry: “U lisensie is gereed vir afhaal by Drakenstein-verkeersdienste, Bergrivier Boulevard.
Niemand kan vir beter diens as by daardie kantoor wens nie.
