Die vonnisoplegging van ’n voormalige Mbekweni-polisiebeampte wat aan verkragting skuldig bevind is, is uitgestel.
Anthony Gouws, ’n geskorste adjudant-offisier, is van die verkragting van ’n 14-jarige meisie aangekla.
Hy het tereggestaan op vyf aanklagte wat verband hou met die misdaad teen die minderjarige. Hy is verlede jaar, op 14 Desember, in die Paarl-streekhof skuldig bevind.
Gouws se inhegtenisneming het gevolg nadat die slagoffer se ma boodskappe van hom op die meisie se foon gekry het. Die saak word deur die Onafhanklike Polisie-ondersoekdirektoraat ondersoek.
In die getuienisaflegging van die senior ondersoekbeampte, Lusanda Booi, het die hof gehoor dat Gouws die meisie een oggend voor skool by die huis opgelaai het. Hy het haar daarna by die skool gaan aflaai en aan die sekretaresse gesê die meisie het ’n verklaring oor ’n huisroof afgelê.
Sy vonnisoplegging was op die hofrol om op 21 Januarie in die Paarl-streekhof plaas te vind, maar dit is tot 15 Februarie uitgestel. Hy word steeds tot sy volgende hofverskyning aangehou.. The sentencing of a former Mbekweni police officer, who was convicted of rape, has been postponed.
