Wellingtonners se reputasie van omgee vir hul medemens word weer eens oortref.
Die Valiant Swart-geldinsamelingsprojek het sy doelwit bereik om sy vrou, Lanelle, wat aan kanker ly na Brittanje te stuur om dringende behandeling te ontvang.
In ’n ope brief het die Hugenote-ondersteunersbond (HOB) se voorsitter, Dico du Toit, die mylpaal op 9 Maart aangekondig. “Dit is met groot dankbaarheid dat ek vanoggend kan bevestig dat HOB ’n bedrag van R20 000 aan Valiant en sy gesin kon oorbetaal. Lanelle vlieg Londen toe vir haar behandeling en ons almal hou hulle in ons gedagtes in hierdie uitdagende tyd.” Du Toit sê die geldinsamelingsprojek het spontane steun gekry, nie net in die groter Wellington-gemeenskap nie, maar ook uit Engeland en Nieu-Seeland.
“Ek het gister met Valiant gekommunikeer en hy het sy en Lanelle se dankbaarheid en waardering ook aan almal betrokke oorgedra.”
