Gimnas-sussies ryg hope medaljes in . . .

Megan en Mia Koch (gr. 7) van Laerskool Hugo Rust het onlangs aan twee gimnastiekkompetisies deelgeneem.

Megan het in die interklub- ritmiese gimnastiek algeheel eerste geëindig terwyl Mia in die tweede plek was.

Megan het goud in die lint-, hoepel- en vrydans-afdelings opgeraap, terwyl Mia in dieselfde afdelings silwermedaljes gewen het. Die susters het plekke in die interklub-kompetisie geruil toe Mia die voortou geneem en algeheel eerste was met Megan tweede. Mia het goud in die lint-afdeling gewen en Megan silwer, en in die hoepel-afdeling het hulle weer omgeruil – Mia silwer en Megan goud.

Megan Koch

Mia Koch