Twee gr.11-leerders aan Hoërskool Gimnasium Paarl, Roosje Grobbelaar en Chanré Botha, is gekies om deel te wees van die 2021-NASA Global Space School-projek.
Die twee is bevoorreg om aan hierdie projek deel te neem, juis omdat hulle die enigste leerders van Suid-Afrika is wat gekies is om deel van dit te wees.
Hierdie projek word vanjaar weer eens via Zoom aangebied omdat die Covid-19-regulasies dit bemoeilik om dit fisiek by te woon.
Die geleentheid duur van 25 Julie tot 8 Augustus.
Gedurende dié tyd neem die leerders deel as lede van ’n spesifieke groep waarvan almal vooraf gekies is.
Die hooftema is: Manned Mission tot Mars.
Indien die projek volgende jaar fisiek kan gebeur, het Roosje en Chanré die eerste opsie om dit te gaan bywoon.
