Kry nou jou kaartjies vir vanjaar se Pinotage- en Biltongfees by die pragtige Rhebokskloof, Agter-Paarl, op 27 en 28 April.
Altesaam 18 wynkelders sal sowat 30 pinotages vir proe en koop aanbied, en elke landgoed sal een wyn hê wat met ’n biltong-geur gepaard gaan.
Jy kry die unieke geleentheid om pinotage van Stellenbosch, Swartland, Breedekloof, Paarl, Worcester en Wellington, te proe – als onder een dak.
Kaartjiehouers sal dus hierdie twee puik Suid-Afrikaanse produkte, biltong en pinotage, onder een dak kan proe!
Kos sal te koop wees by die restaurant.
Lewendige musiek op die grasperke buite, met sitplek onder Bedoeïene-tente, sal die atmosfeer vrolik maak en dit ’n dag in die Wynlande maak om te onthou.
Trek jou lekkerste pers en wit uitrusting aan en staan ??’n kans om ook ’n paar pryse te wen.
. Koop kaartjies by Quicket teen R370 elk. Kaartjies vir toegewyde bestuurders wat nie sal drink nie teen R270 elk.
