Januarie se daling in die brandstofprys het vir motoriste ’n verwelkomende verligting in die nuwe jaar gebied.
Maar motorryers word gewaarsku aangesien die prys sedert 2020 aanhou klim, sal dié jaar se pryse hoog bly.
Moneyweb berig algemene konsensus is bereik dat oliepryse vir ’n paar maande op huidige vlakke sal bly voordat dit waarskynlik weer sal styg.
Die Automobiel Assosiasie (AA) het gesê hoër Covid-19-infeksiekoerse weens die Omikron-variant in die noordelike halfrond kan moontlik tot ’n laer verbruikers- en nywerheidsaanvraag lei.
Dit kan moontlik tot ’n dalende olieprys oor die kort tot medium termyn lei, wat dan vir Suid-Afrikaners verligting kan bring.
Die kleinhandelprys vir petrol het tussen 68c en 71c per liter gedaal, terwyl die prys van diesel met tussen 67,8c en 69,8c per liter gedaal het.
Hierdie dalings het die binnelandse prys van 93 oktaan-petrol op R19,36 per liter te staan gebring, terwyl die prys van hoër gehalte diesel tot R17,28 per liter gestyg het.
Die “nuwe” dalings in die petrolprys is nogtans 32% hoër as in Januarie 2021, terwyl die prys van diesel ongeveer 33% hoër is as ’n jaar gelede.
