Wellington ACVV se skouspelagtige Lappieskombers-Kersboom, die boom van hoop, is Vrydagaand amptelik aangeskakel by ’n carols by candlelight-byeenkoms. Die 10 m hoë boom, die hoogste in Afrika, is gemaak van 7 000 kleurvolle gehekelde blokkies, danksy lede van die publiek in Wellington wat saamgekom het om hierdie projek ’n werklikheid te maak. Die Kersboom-projek is die breinkind van die Wellington-tak se voorsitter, Sorita Stofberg. Aan die soek na projekte waarby haar span vrywilligers betrokke kan raak, het sy op sosiale media afgekom op treffende foto’s van oorsese Kersboom-projekte. Sy hoop dat ander gemeenskappe in die toekoms soortgelyke projekte sal aanpak om hul gemeenskappe ook nader aan mekaar te bring. Foto: Carin Furness
NovaNews WhatsApp Channel is LIVE!
Get the stories that matter, straight to your phone. Click here to join NovaNews on WhatsApp or scan the QR code for instant access.
